Adolygiadau Ffiniau

Gwybodaeth am adolygiadau ffiniau cyfredol a blaenorol ym Mwrdeistref Sirol Pen-y-bont ar Ogwr.

Cynghorau Tref a Chymuned - Adolygiad Trefniadau Etholiadol

Mae Cyngor Bwrdeistref Sirol Pen-y-bont ar Ogwr wedi cynnal adolygiad Trefniadau Etholiadol ar holl Gynghorau Tref a Chymuned ledled Bwrdeistref Sirol Pen-y-bont ar Ogwr.

Y rheswm am hyn yw bod Deddf Llywodraeth Leol (Democratiaeth) (Cymru) 2013 yn rhoi cyfrifoldeb ar gynghorau i fonitro trefniadau etholiadol cymunedau lleol, ac i bennu a yw hi’n briodol gwneud neu argymell newidiadau a fydd yn gwasanaethu eu hanghenion orau.

Cafodd yr adolygiad diwethaf ei gynnal yn 2009, gan ddilyn patrwm bob tua 10 mlynedd.

Mae’r adolygiad wedi ystyried y canlynol:

  • Nifer y Cynghorau Tref a Chymuned - gan gynnwys yr opsiwn i gyfuno, newid, neu greu rhai newydd.
  • Trefniadau Etholiadol - gan gynnwys nifer y cynghorwyr, nifer y wardiau, nifer y cynghorwyr a etholwyd ym mhob ward, a ffiniau wardiau.
  • Enwau/teitlau Cynghorau Tref a Chymuned.

Mae’r adroddiad drafft o argymhellion, sy’n nodi’r newidiadau arfaethedig i ffiniau a threfniadau etholiadol, i’w weld isod.

Mae fersiynau papur hefyd ar gael mewn llyfrgelloedd lleol ac yn nerbynfa’r Swyddfeydd Dinesig ym Mhen-y-bont ar Ogwr.

Mae mapiau sy’n dangos y ffiniau presennol ar gyfer Cynghorau Tref a Chymuned, hefyd ar gael.

Dweud eich dweud

Fel rhan o’r adolygiad hwn, mae’r cyngor wedi cyhoeddi ymgynghoriad 12 wythnos i gasglu barn ar yr argymhellion drafft.

Ffurflen adborth ar-lein

Fel arall, gallwch gyflwyno’ch adborth i:

Cyfeiriad: Adolygiad Trefniadau Etholiadol, Swyddfa Etholiad, Cyngor Bwrdeistref Sirol Pen-y-bont ar Ogwr, Swyddfeydd Dinesig, Stryd yr Angel, Pen-y-bont ar Ogwr, CF31 4WB.
Cyfeiriad ebost: cgr@bridgend.gov.uk

Mae’n rhaid i bob adborth gael ei gyflwyno cyn 23:59 ar 7 Ebrill 2025.

Yn dilyn y cyfnod ymgynghori hwn, bydd angen i’r cynlluniau gael eu harolygu a’u cymeradwyo gan Y Comisiwn Ffiniau i Gymru a Democratiaeth Leol Cymru.

Byddai unrhyw newidiadau yn dod i rym ar gyfer etholiadau lleol yn 2027.

Trefniadau presennol

Mapiau o drefniadau presennol yn y fwrdeistref sirol:

Chwilio A i Y