Swyddi Gofal Cymdeithasol

Mae ein gweithwyr cymdeithasol oedolion yn helpu pobl gyda phob agwedd ar eu bywydau bob dydd.

Nid yn unig y mae gweithio ym maes gofal cymdeithasol oedolion yn rôl werth chweil yn emosiynol, mae’n un o’r rolau mwyaf amrywiol hefyd. Mae gweithio gydag amrywiaeth o bobl gyda gwahanol anghenion gofal yn golygu bod pob diwrnod yn wahanol i'r nesaf.

Mae gweithwyr gofal cymdeithasol plant yn gofalu am lesiant corfforol a meddyliol plant a phobl ifanc mewn gofal.

Mae gweithiwr gofal plant, neu weithiwr plant, yn arbenigo mewn helpu plant bregus gydag anawsterau emosiynol, cymdeithasol ac ymddygiadol i reoli eu gweithgareddau bob dydd a’u cadw’n ddiogel.

Mae gweithwyr cefnogi gofal cartref yn helpu pobl sydd angen cymorth ychwanegol i fyw’n annibynnol, gan ddarparu cefnogaeth sy’n canolbwyntio ar yr unigolyn ac wedi’i theilwra ar gyfer anghenion unigol; gan hyrwyddo a galluogi annibyniaeth ac annog pobl i wneud penderfyniadau gwybodus.