Rydym wrthi’n gweithio gyda Chofrestrfa Tir EF i symud ein gwasanaeth pridiannau tir lleol i’w chofrestr ddigidol ganolog. Ar ôl cwblhau’r broses hon, Cofrestrfa Tir EF fydd yn darparu canlyniadau chwilio ar gyfer chwiliadau pridiannau tir lleol yn ardal Pen-y-bont ar Ogwr. Byddwn yn cyhoeddi’r union ddyddiad y bydd y gwasanaeth hwn yn mynd yn fyw maes o law - Canllaw: Rhaglen Pridiannau Tir Lleol
Mae pridiannau tir yn rhwymedigaeth ar berchennog presennol y tir, neu’r perchennog yn y dyfodol, i gydymffurfio â phridiant. Gall y rhain fod fel a ganlyn:
Mae pob pridiant tir yn cynnwys ei rwymedigaethau ei hun ac mae’n bwysig bod yn ymwybodol o unrhyw rai sy’n effeithio ar yr eiddo rydych yn ystyried ei brynu.
Cyn prynu tir neu eiddo, efallai y bydd rhaid i chi ofyn am chwiliad Pridiannau Tir Lleol. Mae hwn yn cael ei alw hefyd yn chwiliad awdurdod lleol neu chwiliad tir. Bydd yn dangos unrhyw wybodaeth berthnasol sydd gennym ni, fel y canlynol:
Fel rheol mae cyfreithiwr, trawsgludwr trwyddedig neu gwmni chwilio personol yn gwneud cais am gynnal chwiliad, ond gall unigolion preifat a sefydliadau wneud hyn hefyd.
I wneud cais am chwiliad tir:
Ar ôl i ni dderbyn y ffurflenni, byddwn yn cysylltu â chi i drefnu taliad.
Dylech dderbyn canlyniadau’r chwiliad o fewn 15 diwrnod gwaith. Nid ydym yn cynnal chwiliadau’n gyflymach na hynny. Bydd y chwiliadau sy’n cyrraedd ein swyddfeydd yn gynt yn cael eu prosesu’n gynt.
Os na fyddwch wedi derbyn canlyniadau eich chwiliad ar ôl 15 diwrnod gwaith, cysylltwch â ni gan ddefnyddio’r manylion cysylltu ar waelod y dudalen hon.
Y terfyn ar gyfer derbyn chwiliadau newydd bob dydd yw 10.30am. Os byddwn yn derbyn eich cais am chwiliad ar ôl yr amser hwn, byddwn yn dechrau ei brosesu y diwrnod gwaith canlynol.
Gellir cyflwyno’r ffurflenni hyn gyda’i gilydd neu ar wahân. Er enghraifft, os mai dim ond un cwestiwn rydych eisiau ateb iddo ar CON29O, does dim angen cyflwyno chwiliad llawn. Rydym angen cynllun yr un fath.
Os oes unrhyw beth arall rydych eisiau ei wybod am y tir sydd heb ei ddatgelu’n safonol, cewch ofyn eich cwestiynau ychwanegol eich hun.
Chwiliad drwy’r gofrestr tir yw LLC1. Mae’r gofrestr tir yn gofnod o’r holl bridiannau tir sy’n weithredol yn y fwrdeistref ar hyn o bryd. Ni ddylid ei drysu â’r Gofrestrfa Tir. Gall gynnwys pridiannau ariannol, adeiladau rhestredig, ardaloedd cadwraeth a cheisiadau cynllunio sydd wedi’u cymeradwyo gydag amodau.
Hysbysiad preifatrwydd: Byddwn yn defnyddio’r wybodaeth rydych yn ei rhoi ar y ffurflen hon i brosesu eich cais am Chwiliad Awdurdod Lleol (LLC1). Ni fyddwn yn rhannu unrhyw wybodaeth rydych yn ei rhoi gydag unrhyw drydydd parti oni bai ei bod yn ofynnol i ni wneud hynny’n gyfreithiol. Byddwn yn cadw’r wybodaeth hon am 12 mlynedd.
Mae CON29 yn rhestr o gwestiynau sy’n cael eu hateb gan adrannau amrywiol yn y cyngor a’r awdurdod priffyrdd.
Mae manylion am yr holl gwestiynau ar gael ar dudalen 2 ffurflen CON29.
Mae nodiadau cyfarwyddyd ar y ffurflen CON29 ar gael ar wefan Cymdeithas y Gyfraith.
Hysbysiad preifatrwydd: Byddwn yn defnyddio’r wybodaeth rydych yn ei rhoi ar y ffurflen hon i brosesu eich cais am Chwiliad Awdurdod Lleol (CON29). Byddwn yn rhannu’r wybodaeth hon gyda’r adrannau Rheolaeth Adeiladu, Gwasanaethau Amgylcheddol a Gwarchod y Cyhoedd. Byddwn yn cadw’r wybodaeth hon am 12 mlynedd.
Ceir hefyd restr o gwestiynau dewisol o’r enw CON29O.
Mae manylion am y cwestiynau hyn ar gael ar dudalen 2 ffurflen CON29O.
Mae nodiadau cyfarwyddyd ar y ffurflen CON29 ar gael ar wefan Cymdeithas y Gyfraith.
Hysbysiad preifatrwydd: Byddwn yn defnyddio’r wybodaeth rydych yn ei rhoi ar y ffurflen hon i brosesu eich cais am Chwiliad Awdurdod Lleol (CON29O). Byddwn yn rhannu’r wybodaeth hon gyda’r adrannau Gwasanaethau Amgylcheddol a Gwarchod y Cyhoedd. Byddwn yn cadw’r wybodaeth hon am 12 mlynedd.
Cymerir taliad am unrhyw chwiliad sydd wedi’i gyflwyno i’r tîm Pridiannau Tir Lleol.
Os ydych yn dymuno canslo’r chwiliad ar ôl dechrau ei brosesu, bydd ffi ganslo’n berthnasol.
Mae’r Gwasanaeth Gwybodaeth Tir Cenedlaethol (NLIS) yn darparu mynediad electronig i bob ffynhonnell swyddogol o wybodaeth am dir ac eiddo ledled Cymru a Lloegr.
Gallwch gyflwyno chwiliadau’r Awdurdod Lleol ar-lein.
Gallwch edrych ar y rhan fwyaf o’r cofrestri cyhoeddus statudol a’r Cofrestri o Dir Comin Lleol a Lawntiau Trefi a Phentrefi drwy drefnu apwyntiad. I wneud apwyntiad, cysylltwch â ni gan ddefnyddio’r manylion ar waelod y dudalen hon.
Nid ydym yn codi unrhyw ffioedd am yr wybodaeth a ddarperir fel rhan o chwiliad personol.
Os oes arnoch angen unrhyw wybodaeth nad yw ar gael ar unwaith o’n derbynfa cynllunio, anfonwch gynllun a chyfeiriad/disgrifiad o’r tir atom ni. Bydd yr adrannau sydd â’r wybodaeth yn eich ateb chi’n uniongyrchol.
I drefnu apwyntiad, cysylltwch â:
Bydd rhaid i chi gysylltu â’r tîm Priffyrdd am y gofrestr Hawliau Tramwy Cyhoeddus.
Os oes angen copïau o unrhyw ddogfennau pridiannau tir arnoch cysylltwch â ni.
Mae ffi o £18.70 y ddogfen.
