Mae saith traeth ym Mwrdeistref Sirol Pen-y-bont. Mae pob un ohonynt yn ardal Porthcawl ar arfordir y de orllewin, ac mae’r rhan fwyaf ohonynt yn dywodlyd, yn ogystal ag yn hawdd eu cyrraedd.
Mae Porthcawl yn lle gwyliau adnabyddus a phrysur, a chanddo nifer o gyfleusterau glan y môr.
Lleoliad: Heol y Traeth, Porthcawl, CF36 5NE
Y traeth hwn yw’r un mwyaf dwyreiniol, a dim ond deg munud o bellter cerdded o bentref hardd Newton.
Mae’n dywodlyd, yn greigiog, ac yn boblogaidd gyda syrffwyr gwynt, sgiwyr jet yn ogystal â defnyddwyr cychod pŵer.
Mae milltiroedd o dywod yno, er ei fod yn greigiog iawn mewn rhannau. Mae modd cerdded drwy Dwyni Newton Burrows i geg Afon Ogwr. Mae’r traeth ei hun yn agos at dwyni Merthyr Mawr, yr ail fwyaf yn Ewrop. Mae llawer o bobl chwaraeon yng Nghymru yn hyfforddi ar un twyn tywod yn arbennig, a gaiff ei adnabod yn lleol fel ‘The Big Dipper’, ac mae ymwelwyr yn aml yn sledio arno.
Achubwyr bywyd ar ddyletswydd: Mae achubwyr bywyd gwirfoddol ar ddyletswydd ar adegau penodol. Fodd bynnag os nad oes baner, nid oes patrôl.
Cyfleusterau a siopau: Mae llithrfa, y mae’r clwb cychod lleol yn ei defnyddio. Fel arall nid oes cyfleusterau na siopau, ond mae Parc Gwyliau Bae Trecco ychydig o funudau o bellter cerdded ac yn cynnig amrywiaeth o luniaeth ac adloniant.
Addas i blant: Nid oes cyfleusterau i blant ar y traeth. Fodd bynnag, mae gan Barc Gwyliau Bae Trecco arcêd, golff bach, pwll nofio, parc Jungle Jim’s, ac amrywiaeth o beiriannau chwarae i ddiddanu’r plant.
Toiledau: Mae’r toiledau agosaf ym Mharc Gwyliau Bae Trecco.
Parcio: Mae maes parcio talu ac arddangos.
Trafnidiaeth gyhoeddus: Mae’r traeth ddeg munud o bellter cerdded o bentref Newton, y gellir ei gyrraedd yn hawdd gyda gwasanaethau bws i Borthcawl neu yn ôl. Mae First Bus yn rhedeg gwasanaethau uniongyrchol amrywiol o Ben-y-bont, Caerdydd (X2) ac Abertawe. I gyrraedd y traeth, dewch oddi ar y bws ym modurdy Globe Garage, ac ewch i wefan Traveline Cymru i gynllunio taith.
Lleoliad: Mae’r traeth 15 munud o bellter cerdded o Fae Rest yn ymyl Clwb Golff Royal Porthcawl, Pen-y-bont ar Ogwr, CF36 3PJ.
Mae hwn yn draeth tawel, sy’n boblogaidd gyda phobl leol a syrffwyr.
Mae gan y traeth dywod euraidd gyda chreigiau a cherrig mân ar y brig. Mae’r traethlin ei hun yn greigiog, ac mae cerrig brig pinc i’w gweld, gyda llawer o gerrig mân yr un lliw hefyd.
Ar bwynt y Sger gerllaw, mae heneb i griw bad achub y Mwmbwls a’r S.S. Santampa y gellir ei gweld pan mae’r llanw’n isel.
Lleoliad: Porthcawl, Pen-y-bont ar Ogwr, CF36 3QB.
Mae hwn yn draeth Baner Las poblogaidd gyda llawer o dywod euraidd ac ychydig iawn o greigiau.
Mae’n boblogaidd iawn ar gyfer chwaraeon dŵr, syrffio, canŵio, syrffio barcud/gwynt a chorff fyrddio. Peidiwch â defnyddio sgiwyr jet.
Mae milltiroedd o dywod euraidd, mân yma. Mae’n dda iawn ar gyfer cerdded, oherwydd gallwch fynd ar hyd yr arfordir i Pink Bay a thu hwnt. Ar gyngor Florence Nightingale, adeiladwyd Cartref Gwella Rest yn 1880, sy’n edrych dros Fae Rest.
Cyfleusterau a siopao: Mae caffi bar, toiledau, cymorth cyntaf a chanolfan i blant ar goll. Mae Academi Syrffio yno hefyd sy’n cynnig gwersi syrffio yn ystod y tymor prysur.
Addas i blant: Mae canolfan i blant ar goll.
Toiledau: Mae’r toiledau ychydig funudau o bellter cerdded, drws nesaf i’r caffi bar.
Parcio: Mae un maes parcio talu ac arddangos wrth ymyl y traeth, a nifer o fannau parcio ar gyfer gyrwyr anabl yn edrych drosto.
Trafnidiaeth gyhoeddus: Mae First Bus yn rhedeg gwasanaethau i Borthcawl. Mae gwasanaethau uniongyrchol amrywiol yn mynd o Ben-y-bont ar Ogwr, Caerdydd ac Abertawe. Mae Bae Rest ychydig filltiroedd o orsaf fysiau canol y dref, felly bydd angen i chi gerdded neu ymuno â’r trên ffordd. Mae’r trên yn dechrau o bromenâd Porthcawl ac yn stopio mewn amrywiol fannau ar hyd y daith.
Ni chaniateir cŵn ar y traeth o fis Mai i fis Medi.
Lleoliad: Mackworth Road, Porthcawl, Pen-y-bont ar Ogwr, CF36 5BT.
Mae hwn yn draeth poblogaidd gyda llawer o dywod euraidd ac ychydig iawn o greigiau.
Mae tywod y traeth hwn yn fân ac yn euraidd.
Achubwyr bywyd ar ddyletswydd: Mae achubwyr bywyd ar ddyletswydd o fis Mai i fis Medi. Fodd bynnag os nad oes baner, nid oes achubwr bywyd.
Cyfleusterau a siopao: Mae’r traeth o flaen ffair fawr ac ardal glan y môr gyda siopau, caffis, bwytai bwyd cyflym a bariau. Mae cadeiriau plygu ar gael. Mae marchnad agored yn ystod y tymor prysur hefyd. Mae’n agos iawn i harbwr Porthcawl, lle mae cychod stêm pleser y Waverley a’r Balmoral yn dechrau am Fôr Hafren ac arfordir Dyfnaint.
Addas i blant: Mae canolfan adloniant gyda lle bowlio, bwyty, ac arcedau. Mae’n bosib cael taith ar gefn mul ar y traeth hefyd, ac weithiau mae yno drampolinau a chestyll bownsio.
Toiledau: Mae toiledau yn y ganolfan adloniant gydag offer newid babanod, ac mae toiledau yn y bar Hi Tide hefyd.
Parcio: Mae dau faes parcio. Mae un wrth ymyl y traeth ac mae’r llall ychydig funudau o bellter cerdded.
Trafnidiaeth gyhoeddus: Mae First Bus yn rhedeg gwasanaeth i Borthcawl. Mae gwasanaethau uniongyrchol amrywiol yn mynd o Ben-y-bont, Caerdydd ac Abertawe.
Ni chaniateir cŵn ar y traeth rhwng mis Mai a mis Medi.
Lleoliad: Heol y Traeth, Porthcawl, CF36 5NE.
Gosodwyd tarmac dros ran o’r traeth hwn yn yr 1980au er mwyn atgyweirio amddiffynfeydd y môr. Ni chaniateir nofio gan fod y traeth yn beryglus iawn ar adegau penodol o’r llanw. Mae’r creigiau’n finiog iawn mewn rhai mannau.
Mae’n lle gwych i chwilio am byllau creigiau.
Achubwyr bywyd ar ddyletswydd: Nid oes achubwyr bywyd ar ddyletswydd ar y traeth gan na chaniateir nofio yn y môr.
Cyfleusterau a siopao: Mae’r traeth hwn yn agos at holl gyfleusterau canol y dref megis caffis, toiledau, siopau, bariau a Phafiliwn y Grand. Mae caffi bar ac adloniant ar gael yn y Pafiliwn. Mae taith gerdded fer ar hyd y promenâd yn eich arwain chi at yr harbwr a gorsaf gychod yr RNLI.
Addas i blant: Nid oes cyfleusterau ar y traeth. Fodd bynnag, mae traeth Coney a’i arcêd ddeg munud o bellter cerdded.
Toiledau: Mae’r toiledau cyhoeddus agosaf ym Mhafiliwn y Grand. Mae toiledau hefyd ychydig funudau o bellter cerdded yn Stryd John yng nghanol y dref.
Parcio: Mae llefydd parcio cyfyngedig o flaen y traeth, a dau faes parcio talu ac arddangos ym Mhorthcawl.
Trafnidiaeth gyhoeddus: Mae First Bus yn rhedeg gwasanaeth i Borthcawl. Mae gwasanaethau uniongyrchol amrywiol yn mynd o Ben-y-bont, Caerdydd ac Abertawe.
Ni chaniateir cŵn ar y traeth rhwng mis Mai a mis Medi.
Lleoliad: Gellir ei gyrraedd drwy gerdded am 20 munud o Fae Rest ar hyd Clwb Golff Royal Porthcawl, Pen-y-bont ar Ogwr, CF36 3RT.
Y traeth hwn yw’r un mwyaf gorllewinol yn y fwrdeistref, a dim ond wrth gerdded o Fae Rest neu Warchodfa Natur Genedlaethol Cynffig y gellir ei gyrraedd.
Tywodlyd a gwastad yn bennaf. Pobl leol sy’n defnyddio’r traeth i raddau helaeth, sy’n golygu mai hwn yw un o draethau tawelaf Porthcawl. Mae’n dda iawn ar gyfer cerdded.
Pan fydd y llanw’n isel, mae modd gweld plac er cof am yr holl fywydau a gollwyd ar fwrdd yr S.S. Santampa a bad achub y Mwmbwls. Pan fydd y llanw’n isel iawn, gellir gweld y llongddrylliad o hyd.
Achubwyr bywyd ar ddyletswydd: Mae achubwyr bywyd gwirfoddol ar ddyletswydd ar adegau penodol, ond os nad oes baner, nid oes patrôl.
Cyfleusterau a siopao: Dim.
Addas i blant: Does dim cyfleusterau i blant.
Toiledau: Mae’r toiledau agosaf 40 munud o bellter cerdded ym Mae Rest neu yng ngwarchodfa natur Cynffig.
Parcio: Nid oes meysydd parcio agos gan mai dim ond ar droed y gellir cyrraedd y traeth. Mae’r maes parcio agosaf ym Mae Rest neu yng Ngwarchodfa Natur Cynffig.
Trafnidiaeth gyhoeddus: Nid yw’n hawdd cyrraedd y traeth ar drafnidiaeth gyhoeddus. Mae First Bus yn rhedeg gwasanaeth i Borthcawl. Mae gwasanaethau uniongyrchol amrywiol yn mynd o Ben-y-bont, Caerdydd ac Abertawe.
Caniateir cŵn ar y traeth, ond casglwch wastraff eich ci a chael gwared arno.
Lleoliad: Gellir cyrraedd Bae Trecco drwy Barc Gwyliau Bae Trecco neu drwy gerdded o draeth Newton, sydd ychydig funudau oddi yno ar droed. Porthcawl, Pen-y-bont ar Ogwr, CF36 5DB.
Mae’r traeth hwn wrth ymyl Sandy Bay (Traeth Coney) ac yn bum munud o bellter cerdded o Barc Gwyliau Bae Trecco, sydd â chyfleusterau adloniant ardderchog.
Mae hwn yn draeth Baner Las tywodlyd, mawr gydag ansawdd dŵr ardderchog. Er ei fod yn agos at y Parc Gwyliau, mae’n gymharol dawel.
Achubwyd bywyd ar ddyletswydd: Mae achubwyr bywyd ar ddyletswydd o fis Mai i fis Medi, ond cofiwch os nad oes baner, nid oes patrôl.
Cyfleusterau a siopao: Nid oes cyfleusterau na siopau. Fodd bynnag, mae Parc Gwyliau Bae Trecco ychydig funudau o bellter cerdded ac yn cynnig amrywiaeth o luniaeth.
Addas i blant: Nid oes cyfleusterau i blant ar y traeth, ond mae Parc Gwyliau Bae Trecco gerllaw. Mae ganddo arcêd, golff bach, pwll nofio Splashland, parc Jungle Jim’s, ac amrywiol beiriannau chwarae eraill.
Toiledau: Mae’r toiledau agosaf ym Mharc Gwyliau Bae Trecco.
Parcio: Nid oes maes parcio dynodedig, ond mae maes parcio bach y tu ôl i gefn y parc gwyliau, yn agos at y traeth.
Trafnidiaeth gyhoeddus: Mae’r traeth ddeg munud o bellter cerdded o bentref Newton, y gellir ei gyrraedd yn hawdd ar drafnidiaeth gyhoeddus. Mae First Bus yn rhedeg gwasanaethau i Borthcawl ac yn ôl, a dylai teithwyr ddod oddi ar y bws ym modurdy Globe Garage. Mae gwasanaethau uniongyrchol amrywiol yn rhedeg o Ben-y-bont ar Ogwr, Caerdydd (X2) ac Abertawe.
Ni chaniateir cŵn ar y traeth rhwng mis Mai a mis Medi.
Mae Cyfoeth Naturiol Cymru yn asesu ansawdd dŵr mewn safleoedd penodol yng Nghymru.
Rhwng mis Mai a mis Medi, mae profion wythnosol yn mesur ansawdd dŵr ar sawl safle ac mae rhagolygon dyddiol o’r risg o lygredd.
Mae graddau blynyddol yn dosbarthu pob safle fel rhagorol, da, digonol neu wael yn seiliedig ar ddarlleniadau dros gyfnod o bedair blynedd
