Gwybodaeth a chyngor i rieni/gofalwyr a phobl ifanc am ADY, y system ADY newydd, a’r hyn y mae’r newidiadau yn ei olygu i blant, pobl ifanc a’u teuluoedd.
Mae Llywodraeth Cymru yn newid y ffordd y bydd plant a phobl ifanc ag anghenion addysgol arbennig (AAA) yn cael eu cefnogi. Mae’r system newydd yn diffinio Anghenion Dysgu Ychwanegol (ADY). Bydd y gyfraith newydd ar gyfer cefnogi plant a phobl ifanc ag ADY yn arwain ar sawl prif newid a fydd yn gwneud y broses yn symlach ac yn fwy tryloyw i bawb sy’n gysylltiedig.
Rôl y Swyddog ADY yn y Blynyddoedd Cynnar yw gweithio gyda rhieni, lleoliadau blynyddoedd cynnar, gweithwyr iechyd proffesiynol ac eraill a allai fod yn gweithio gyda phlant sy’n iau na’r oedran ysgol gorfodol, i godi ymwybyddiaeth o’r system anghenion dysgu ychwanegol (ADY) ac i hyrwyddo ymyrraeth gynnar.
Mae’r Swyddog ADY yn y Blynyddoedd Cynnar yn gyfrifol am gydgysylltu rôl yr awdurdod lleol mewn perthynas â phlant sy’n iau na’r oedran ysgol gorfodol nad ydynt yn mynychu ysgolion a gynhelir.
